Бајден се сретна со кралот на Јордан, најавена нова американска помош

Од:

Американскиот претседател Џозеф Бајден и јорданскиот крал Абдула се сретнаа денеска во Саудиска Арабија, а Белата куќа соопшти дека САД се обврзале на нов пакет помош за Јордан од околу 1,45 милијарди долари (1,4 милијарди евра) годишно.

Соопштението е објавено откако двајцата лидери се сретнаа на маргините на поширокиот регионален самит каде Бајден вети дека САД нема да се оддалечат од безбедноста на Блискиот Исток и нема да дозволат Русија, Кина или Иран да го пополнат тој простор.

Јордан, во кој се засолнети многу палестински и сириски бегалци, дели граница со Израел и Западниот Брег. Стабилноста на Јордан се смета за клучна за регионот, но неговата економија се бори со инфлацијата и влијанието на пандемијата.

Јорданската Влада се соочи со јавни протести, а братот на кралот, принцот Хамза е во домашен притвор по јавен укор од раководството на земјата.

Извор: МИА

Би можело да ве интересира

Ослободена е невината жена која поминала 43 години во затвор во САД

Горан Наумовски

Во Лос Анџелес е издадена наредба за евакуација поради ширење на шумски пожар

(ВИДЕО) Избегната трагедија во забавниот парк Оукс: Се расипа „нишалото“, посетители висеа на 30 метри висина

Смит: И се заблагодарувам на Македонија за одвојувањето на два проценти од БДП за одбраната

Горан Наумовски

Ројтерс: Се намалува бројот на илегални преминувања на мексиканско-американската граница

САД: Четири лица се повредени кога мал авион паднал во двор на куќа во Денвер