Американката Џудит Вајнштајн (70), која беше киднапирана од Хамас заедно со нејзиниот сопруг Гади Хагаи (73), била убиена од палестинската исламистичка група на 7 октомври, кога беше нападнат Израел, изјави американскиот претседател Џо Бајден, додавајќи дека е „здробен“ од веста.
Жената од Њујорк, за која се верува дека била заробена од терористите на Хамас во Појасот Газа, била убиена за време на првиот напад на 7 октомври, а нејзиното тело сè уште го држат терористите.
Џудит Вајнштајн Хагаи била на утринска прошетка со својот сопруг кога вооружени милитанти на Хамас упаднале во Кибуц Нир Оз и им поставиле заседа. Веста за нејзината смрт доаѓа само една недела откако официјални лица потврдија дека нејзиниот сопруг Гади Хагаи исто така бил убиен.
„Овој трагичен развој е длабоко шокантен по минатонеделните вести дека се верува дека Хамас го убил нејзиниот сакан сопруг“, рече американскиот претседател Бајден, ветувајќи дека ќе продолжи со напорите за ослободување на другите заложници што ги држеше Хамас.
„Ниту едно семејство не треба да трпи такво искушение. Го потврдувам ветувањето што им го дадовме на сите семејства на оние кои се уште се држат во заложништво – нема да престанеме да работиме за да ги вратиме дома“, рече американски претседател.
Бајден и неговиот советник за национална безбедност, Џејк Саливан, беа ангажирани за прашањето за заложниците. Бајден постојано разговарал со израелскиот премиер Бенјамин Нетанјаху и со емирот на Катар за да се обезбеди нивно ослободување.
Џудит и Гади Хагаи беа меѓу 240-те луѓе киднапирани од Хамас за време на нападот на 7 октомври. Се верува дека меѓу заложниците сè уште има околу шест Американци.