Советникот на вршителот на должноста шеф на самопрогласената Народна Република Доњецк, Јан Гагин, изјави дека руските сили ја опколиле украинската борбена група во Бахмут.
Гагин за агенцијата ТАСС изјави дека припадниците на руската паравоена група Вагнер стигнале до патот Бахмут – Часов Јар, кој се користел за снабдување на групата на Вооружените сили на Украина во Бахмут.
„Неколку стотици метри се ставени под контрола, што го оневозможува снабдувањето на гарнизонот. Така, всушност, капакот на обрачот е сега затворен“, рече Гагин.
На 18 април тој изјави дека руските сили веќе контролираат речиси 90 отсто од територијата на Бахмут.
Веќе неколку месеци жестоки борби меѓу украинските и руските сили се водат за Бахмут, град во областа Доњецк, на истокот на Украина.