Портпаролот на иранското Министерство за надворешни работи, Есмаил Багеи денес изјави дека Техеран во моментов не преговара со Вашингтон.
– За да се избегне двосмисленост, треба да се каже со кого преговараме. Во моментов не преговараме со САД, а преговорите со Оман имаат за цел договор за безбедно поминување на бродовите низ Ормускиот теснец, рече Багеи пренесе Тасним.
Според него, се прави обид што поскоро да се утврди рутата, која обично е привремена, во консултација со Оман и врз таа основа, со цел да се обезбеди безбедноста на пловидбата во Ормускиот теснец.
„Ова се билатерални преговори меѓу две крајбрежни држави. Другите секако можат да дејствуваат конструктивно или деструктивно, но прашањето е поврзано со Иран и Оман. Што ќе се случи следно, мора да се одлучи“, додаде Багеи.
Тој рече дека преговорите со Оман продолжиле сериозно во изминатите неколку дена, како и контактите што иранскиот министер за надворешни работи, Абас Аракчи, ги имал со своите колеги со цел да се спречи ескалацијата на несигурноста и да се обезбедат интересите на Иран.
– Благослов е што сите земји во регионот се сметаат себеси за засегнати страни во иднината на регионот. Американската војна против Иран е војна против целиот регион, рече Багеиг.
Портпаролот на иранското Министерство за надворешни работи, исто така, нагласи дека „Техеран има пријателски односи со Пекинг и дека Кина ги дели загриженостите на Иран за ескалацијата на американската воинственост и е загрижена за несигурноста во регионот“. Багеи, исто така, рече дека „злосторствата на ционистичкиот режим продолжуваат во Газа, Западниот Брег и Либан.