Портпаролот на иранското Министерство за надворешни работи, Есмаил Багеи, денес ја обвини Европската Унија за соучество во нападите на САД и Израел врз Иран.
– Индиферентноста и премолченото прифаќање на агресијата, бруталноста и злосторствата на САД и Израел од страна на Европската Унија не е ништо помалку од соучество, напиша Багеи на платформата X.
Заменик-министерот за надворешни работи на Иран, Маџид Тахт-Раванчи, веќе изјави дека Техеран ги информирал европските и другите земји дека ќе бидат легитимни цели на иранските напади доколку се приклучат на војната против Иран, на страната на САД и Израел.
Самиот Багеи упати слични закани пред неколку дена, кога во интервју за шпанскиот канал 24 Horas рече дека оние, мислејќи на ЕУ, кои молчат „ќе бидат соученици во оваа неправда“.
„Ако Европа продолжи да молчи пред овој напад врз меѓународното право, сите земји ќе ја платат цената порано или подоцна“, рече Багеи во тоа време.