По терористичкиот напад што се случи синоќа во центарот на Виена, во кој беа убиени три лица и еден напаѓач, австриската полиција претресе станови и уапси неколку лица.
Министерството за внатрешни работи утрово потврди дека биле извршени претреси во неколку станови кои се поврзани со убиениот напаѓач. Во полициската акција уапсени се неколку лица, јавија австриски медиуми.
Бројот на повредени во терористичкиот напад во Виена се искачи на 17. Во текот на ноќта беше објавено дека 15 лица се пренесени во виенски болници со прострелни рани и дека седум се тешко повредени.