Европската унија мора да даде нови импулси во политиката на своето проширување со цел да покаже поголема европска перспектива за државите од Западен Балкан, кои се уште не се нејзини членки, изјави синоќа австрискиот министер за надворешни работи Себастијан Курц.
Говорејќи на собир во Виена по повод десетгодишнината од „големото проширување“ на ЕУ, кога во 2004 година во Унијата беа примени 10 источноевропски земји, Курц нагласи дека јасната европска перспектива се покажала како добар одговор за фрустрациите на многу граѓани од земјите од Запшаден Балкан.
Наспроти поддршката за приемот на западнобалканските земји, Курц изрази скепса кон евентуалното членство на Киев во Унијата, апелирајќи за преразгледување на моделите на партнерство кон поранешните советски република од Источна Европа, бидејќи, како што нагласи, стремежите за зачленување во ЕУ на земји како Молсавија и Украина „довеле до проблеми“.
– ЕУ мора и натаму да се развива за да не го загуби чекорот на меѓународен план, потенцира Курц во своето обраќање на собирот.