Компанијата „Солена фјуелс“ со „Бритиш ервејс“ планира изградба на фабрика за производство на биогориво од кујнски и индустриски отпад во рамки на проектот „ГринСкај“.
Фабриката, како што најави американската компанија, би требало да почне со работа во 2017 година.
Ова е прв обид за преработка на кујнски отпад во биогориво за аеро-наутичката индустрија.
Фабриката ќе биде изградена во Тарок, во Есекс, и ќе преработува околу 575.000 тони отпад во 120.000 тони биогориво.
Британската авио-компанија „Бритиш ервејс“ склучи договор за откуп на 50.000 тони зелено гориво.
– Постојано бараме начини да го намалиме нашето влијание врз климатските промени. Овој проект претставува значаен чекор за аеро-наутичката индустрија, изјави директорот на „Бритиш ервејс“ Вил Велш.
„Бритиш ервејс“ во 2012 година превезе 37 милиони патници. Компанијата во моментот располага со 270 авиони.