Павел Ондроус, кој исценира обид за атентат на претседателот на Чешка, Вацлав Клаус, пуштен е на слобода, соопшти претставник на чешката полиција.
Против 26 годишниот Ондроус е покренато обвинение за хулиганство, затоа што за време на свеченото отворање на еден мост, му се приближи на претседателот, му стави пиштол бочно на телото и неколку пати имитираше пукање. Според чешкиот закон, за ова дело можат да се добијат две години затвор.