Астролог најави нов земјотрес и заврши во затвор

Од:

Властите во Мјанмар го уапсија астрологот Џон Мо поради предизвикување паника со предвидување на уште еден земјотрес во вирално видео на TikTok.

Мо го објави своето предвидување на 9 април, само две недели откако земјотрес со јачина од 7,7 степени по Рихтер уби 3.500 луѓе и уништи вековни храмови во земјата, објави Би-Би-Си.

Тој беше уапсен во вторник поради давање „лажни изјави со намера да предизвика општа паника“, соопшти Министерството за информации на Мјанмар.

Мо предупреди дека земјотрес „ќе ги погоди сите градови во Мјанмар“ на 21 април, додека експертите рекоа дека земјотресите е невозможно да се предвидат поради сложеноста на факторите вклучени во ваквите катастрофи.

Во видеото, кое е прегледано повеќе од три милиони пати, Џон Мо ги повикува луѓето да „земат важни работи и да избегаат од зградите за време на тресење на земјата“.

Тој тврдел дека прави предвидувања врз основа на астрологија и хиромантија.

Тој беше уапсен за време на рација во неговиот дом во Сагинг, централен Мјанмар.

Би можело да ве интересира

Русите ја погодија полската амбасада во Киев

(ВИДЕО) Голема закана: Повторно дронови над воените бази во Данска

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран

ВИДЕО: Стампедо предизвика индискиот актер и политичар, најмалку 36 мртви

Катастрофа во Русија: Воз излезе од шините, изби голем пожар – густ црн чад над областа