Аргентинската претседателка Кристина Фернандес де Кирхнер ги обнови синоќа во ОН барањата на својата држава за суверенитет над Фокландските Острови.
На состанок на СБ на ОН таа ја повика Британија на преговори за иднината на фокландскиот архипелаг.
Фернандес рече дека Аргентина „сака да биде применета резолуција на ОН“, алудирајќи на резолуцијата 2065 од 1965 година со која на двете страни (Аргентина и Британија) им се апелира да преговараат.
Аргентина стана членка на СБ на ОН во јануари на период од две години.
– Мора да пронајдеме консензус и да го сочуваме мирот, нагласи аргентинската претседателка.