Референдумот за самоопределување на Малвинските Острови (Британците ги викаат – Фокландски) организиран од британските власти, нема да стави крај на спорот за суверенитетот, соопшти аргентинското Министерство за надворешни работи.
Според властите во Буенос Аирес, кои претендираат за суверенитет врз островите што се на 400 км. од брегот на државата, организирањето референдум в недела и понеделник, е „британски обид за манипулација“.
ОН повика двете страни да почнат преговори, а Буенос Аирес упати осуда за откажувањето на Лондон од таа иницијатива според кој архипелагот ќе остане британска територија.
Аргентина бара Лондон сериозно да ја преразгледа својата политика, се додава во соопштение на аргентинското МНР.
Триесет години по војната за тие острови (1982) во која загинаа над 900 луѓе, и откривањето нафта во крајот на 90-те години, само го изострија интересот кон островите. Во него живеат 2.500 луѓе, додека распоредени се и 1.300 војници. Островите биле под шпанска управа (1713-1816), аргентински (1816-1833) и од 1833 – британска управа.