Аргентина денеска соопшти дека поднела тужба против САД пред Меѓународниот суд во Хаг, соопштија светските агенции.
Аргентина тврди дека САД го нарушиле нејзиниот суверенитет со одлуката на американските судови во однос на реструктурирањето на нејзиниот државен долг.
Таа бара Вашингтон да ја прифати јурисдикцијата на Меѓународниот суд за овој спор, но судот во Хаг соопшти дека тоа ќе зависи од САД.
Тужбата и е предадена на американската Влада, соопшти судот, прецизирајќи дека никакви активности нема да се преземат се додека САД не се согласат со јурисдикцијата на Меѓународниот суд.