Иранскиот министер за надворешни работи, Абас Аракчи, денес изјави дека нападите на Израел врз Иран се „предавство на дипломатијата“, но дека САД можат да ја оживеат.
Тој изјави за „Фајненшл тајмс“ дека постигнал поголем напредок во деветнеделните нуклеарни разговори со американскиот претставник Стив Виткоф отколку во четири години со тимот на поранешниот американски претседател Џо Бајден.
Аракчи рече дека Иран и САД, како и оманските медијатори, презентирале неколку заемно корисни предлози, додавајќи дека Техеран е фокусиран и на укинување на санкциите на САД.