Жителите на Лондон и на други делови од Велика Британија беа изненадени од снежните врнежи во првите денови на април.
Температурите денеска се меѓу три и пет степени , а снег паѓа во Лондон и во јужните и источните делови на островот.
Властите прогласија жолт код, кој подразбира неповолни метеоролошки услови. Снегот веднаш се топи, но го отежнува патниот сообраќај.
Метеоролозите прогнозираат затоплување следната недела. Тие истакнаа дека овој март е вториот најтуден, откако во земјата се регистрираат тие податоци. Најстудениот март во Велика Британија е регистриран во 1919 година, кога просечната температура била околу два степени Целзиусови.