Норвешкиот екстремист, кој е осуден за убиство на 77 луѓе, Андерс Брејвик привремено ќе биде преместен во друг затвор.
Од крајот на судскиот процес Брејвик беше во затворот на островот Ила, а сега ќе биде преместен во затворот Скиен, во одделение со највисок степен на безбедност.
– Одлуката е донесена на почетокот од јуни. И тоа ништо не е чудно. Пракса е „проблематични“ затвореници привремено да се испраќаат во други затвори, истакна Јан Ерик Сандали, претставник на норвешките затвори.
Брејвик досега повеќе пати се жалел дека лошо се однесувале кон него во затворот Ила. Во Норвешка има само три затвори каде затвореници како Брејвик можат да издржуваат казна – Ила, Скиен и Рајнарик.