САД открија дека извршиле тајна воена операција за ликвидирање на Абдурахмон Узбеки, член на Исламската држава, за кога се смета дека е поврзан со нападот што беше извршен на новогодишната ноќ во ноќен клуб во Истанбул, при што загинаа 39 лица.
Вашингтон наведе дека Узбеки бил близок со лидерот на групата Абу Бакр ал Багдади.
– Џихадистот за кој се смета дека е од Узбекистан, е убиен на 6 април при воена операција во близина на сирискиот град Мајадин, изјави претставникот на Централната команда на САД Џон Томас.
– Беше операција на копно. Мислам дека тоа е се што можеме да кажеме за овој случај, додаде Томас, прецизирајќи дека Узбеки не загинал при воздушен удар.