Американските обвинители денеска одлучија да ја прекинат кривичната постапка против двајца соработници на претседателот Доналд Трамп кои беа обвинети за наводно помагање во попречување на истрагата против Трамп во случај поврзан со доверливи документи.
Личниот лакеј на Трамп, Волт Наута, и менаџерот на имот, Карлос де Оливеира, не се спротивставија на одлуката на обвинителот, се вели во судската пријава.
Со овој потег завршува гонењето на Трамп во два случаи предводени од специјалниот советник Џек Смит, кој поднесе оставка од својата позиција во Министерството за правда на почетокот на овој месец, пренесува Ројтерс.