Жител на американската сојузна држава Флорида е обвинет за проневера на пари од фондот за помош на ранливите категории на лица во период на пандемија затоа што со државните средства купил автомобил од познатиот италијански бренд „Ламборџини“.
29-годишниот Дејвид Хајнс испратил барања за финансиска помош во фондот за своите 70 вработени лица по што „Банката на Америка“ му доделила околу четири милиони долари.
По неговото купување на луксузниот автомобил „Lamborghini Huracan EVO“, американските власти откриле дека Хајнс сторил кривично дело- проневера со тоа што ги измамил институциите. Во меѓувреме, истражителите дознале и дека останатиот дел од парите обвинетиот ги трошел на накит, престојување во хотели и за издршка на неговата мајка.