САД и Иран се блиску до постигнување некаков вид мировен договор, изјави денес пакистанскиот министер за одбрана Хаваџа Асиф.
Тој во интервју за Блумберг изјави дека ситуацијата повторно се развива кон постигнување мировен договор или договор.
Сигналите во последните два до три дена укажуваат дека сме блиску до некаков вид договор, рече Асиф, што укажува дека трајниот мир би бил во интерес на регионот.
Изјавите доаѓаат во време кога американскиот претседател Доналд Трамп зазема поцврст став кон Иран, додека во исто време се водат преговори за повторно отворање на Ормутскиот теснец, според американската агенција.
Трамп изјави дека Иран мора да плати надомест за штетата предизвикана од претходните напади, откако го обвини Техеран дека јавно бара надомест за воените загуби, иако прашањето не беше покренато за време на преговорите, пренесува RT. Пакистанскиот министер за внатрешни работи Мохсин Накви пристигна во Техеран на разговори. Пакистан посредува меѓу САД и Иран уште од почетокот на конфликтот.