Масимилијано Алегри е тренер на Јувентус и се врати во Торино во мај 2021 година, но лесно можеше да заврши и на Сантијаго Бернабеу“. Всушност, италијанскиот стратег откри дека веќе имал потпишано преддоговор со „кралскиот клуб“, а потоа се јавил и му откажал на Флорентино Перез.
„Веќе имав потпишано со Реал Мадрид, но потоа му се јавив на Флорентино Перез и му реков дека нема да дојдам затоа што го избрав Јувентус. Сакав да бидам поблиску до мојот син, кој живее во Торино, со неговата мајка. Сакам да бидам блиску до моите најблиски“, изјави Алегри.
Реал Мадрид минатото лето бараше нов тренер откако вторпат во три години остана без Зинедин Зидан. Сепак, тогаш Јувентус имаше серија лоши резултати, Андреа Пирло доби отказ и така се отвори место за враќањето на Алегри.