Најмалку пет Палестинци загинаа утринава во продолжението на израелското бомбардирање на Кан Јунис во јужниот дел на Појасот Газа и нападот врз северните области на енклавата, пренесува Ал Џезира.
Катарската телевизија претходно објави дека најмалку три лица се убиени во напад на израелско беспилотно летало на народна кујна во Кан Јунис.
Според Министерството за здравство на Газа, под контрола на Хамас, најмалку 1.249 луѓе се убиени, а 3.022 се ранети откако Израел ги продолжи нападите врз Газа на 18 март.