Ѕвездата на популарната британска сапунска опера „Coronation Street“, Вилијам Роуч, кој веќе е суден за силување, обвинет е за сексуално малтретирање на четири малолетни девојчиња, пренесоа француските медиуми.
Актерот (81) е обвинет дека меѓу 1965 и 1968 година пет пати блудничел со девојчиња на возраст под 17 години, а најмалото од нив за време на дејанието било на возраст меѓу 11 и 12 години.
Минатиот месец Вилијам Роуч беше обвинет дека во 1967 година два пати силувал 15- годишно девојче.
Актерот енергично ги отфрли обвиненијата.
Вилијам Роуч го играше ликот на Кен Барлоу во серијата „Coronation Street“ уште од нејзината прва епизода, на 9 декември 1960 година.
Телевизијата АТВ, која го емитуваше серијалот, минатиот месец соопшти дека Роуч нема да се појавува во серијата се додека траат судските процеси против него.