Кина во текот на минатата година егзекутирала повеќе лица осудени на смртна казна, отколку сите останати земји заедно, тврди организацијата за заштита на човекови права „Амнести интернешнал“.
Во годишниот извештај за смртна пресуда, што беше објавен синоќа, огранизацијата за заштита на човекови права наведува дека минатата година во светот се извршени најмалку 1.032 егзекуции, што е за 37 проценти помалку во споредба со 2015 година.
Во таа статистика не се земени предвид егзекуциите во Кина, каде се чува во тајност официјалниот број на убиени лица.
Падот на бројот на егзекуциите се должи на драстичното намалување на смртни казни во Иран (за 42 проценти) и во Пакистан (за 73 проценти).
Во САД во 2016 година се извршени само 20 егзекуции, што претставува најмал број во историјата на земјата.
Кина е на првото место со извршени егзекуции (неколку илјади), потоа следуваат Иран (над 567), Саудиска Арабија (над 154), Ирак (над 88), Пакистан (87) и Египет (44).