Министерството за правда на Соединетите Американски Држави им нареди на адвокатите кои се занимаваат со чувствителни прашања за националната безбедност итно да ги разгледаат досиејата за атентатот на поранешниот претседател Џон Ф. Кенеди, кои треба да бидат објавени денеска.
Кристофер Робинсон, претставник на Министерството за домашна безбедност, рече дека на „сите“ адвокати кои работат во Одделот за операции на разузнавачката заедница им е наредено да прегледаат по 400 или 500 документи, според е-пошта што ја видел Ројтерс.
Портпаролот на Министерството за правда рече дека „ниту една работа на ФИСА не е запрена“ како резултат на прегледот.
Робинсон постави рок до денес напладне по локално време да го заврши прегледот, кој вклучува записи поврзани со атентатите на Џон Кенеди, како и на Роберт Кенеди, Мартин Лутер Кинг Јуниор и „веројатно други“.
