Дводржавно решение на блискоисточниот судир нема да биде можно со израелската Влада предводена од премиерот Бенјамин Нетанјаху, оцени денеска палестинскиот претседател Махмуд Абас.
– Изјавите на Нетанјаху против дводржавното решение и против палестинска држава се доказ, ако се точни, дека нема сериозност во идната израелска влада за политичко решение, што ќе доведе до формирање на две држави, истакна Абас, два дена по одржувањето на парламентарните избори во Израел, на кои партијата „Ликуд“ на Нетанјаху изненадувачки лесно победи.
Абас нагласи дека Палестинците ќе продолжат да „бараат меѓународен легитимитет“, алудирајќи на обидите да постигнат државност преку ОН и други меѓународни тела.