Ирачкиот премиер Хајдер ал Абади денеска официјално побара од Ирачки Курдистан да го стопира организирањето на референдумот за независност, што е закажан на 25 септември.
Во меѓувреме, ирачкиот Врховниот суд нареди стопирање на организирањето на референдумот се додека не се разгледаат добиените жалби, во кои се тврди дека плебисцитот е противуставен.
Според неименуван извор најмалку осум пратеници – шиити и Туркмени поднеле жалба против референдумот.
Уставниот суд е задолжен за уредување на споровите меѓу централната Влада и регионите, вклучително и Курдистан, но нема средства да наложи исполнување на наредбата во курдскиот регион, кој има сопствена полиција.