Регионалните власти во западната германска област Гитерсло соопштија денеска дека бројот на заразени со коронавирус во најголемата кланица во земјата се зголемил на 657 лица.
Досега се тестирани 983 работници во кланицата на компанијата „Тенис“ (Toennies) во местото Реда-Виденбрик, а од нив само 326 биле негативни.
Веднаш е добиен налог за затворање на кланицата, како и задолжителен карантин и тестирање на сите кои работеле во комплексот, со што околу 7.000 луѓе се ставени во изолација.
Локалните власти одлучиле од утре да ги затворат училиштата и градинките во тој регион до почетокот на летниот распуст кон крајот на месецов, но одлучиле да не воведуваат пошироки рестриктивни мерки.
Порастот на бројот на заразените во кланицата го зголеми бројот на инфицирани во тој регион над пропишаниот праг за воведување вонредни мерки, а тоа е 50 новозаразени неделно на 100.000 жители.