Во Воената болница во Дамаск синоќа беа пронајдени 40 тела на луѓе кои, наводно, биле мачени до смрт од режимот на Башар ал Асад.
Како што пренесува АФП, на телата биле видливи траги од тортура. Еден бунтовнички борец ја опиша сцената како „ужасна“, велејќи дека ја отворил вратата на мртовечницата и нашол тела кои биле подложни на брутална тортура.
Во координација со Црвениот крст, телата се пренесени во болница во Дамаск, каде во соработка со семејствата на загинатите ќе се врши обдукција и идентификација.