Цивилната одбрана на Појасот Газа денес соопшти дека 22 лица, меѓу кои и шест деца, се убиени во израелските воздушни напади врз палестинската територија уништена од војната што трае од октомври 2023 година.
Новите израелски воздушни напади ги погодија јужните и централните делови на Појасот Газа, како и две области на север, вклучувајќи го и бегалскиот камп на периферијата на градот Газа, изјави за АФП портпаролот на Цивилната одбрана Махмуд Басал.
Израелската војска подоцна соопшти дека ги истражува околностите на нападите.
Од почетокот на војната, 57.680 лица се убиени на палестинска страна, според бројките на Министерството за здравство во Појасот Газа контролиран од Хамас, кои ОН ги смета за веродостојни.
