Западот ќе испрати речиси 200 борбени тенкови во Украина кои би можеле да и помогнат да победи во војната против Русија, речиси една година од почетокот на инвазијата на 24 февруари 2022 година.
По извесно двоумење, Германија и САД конечно се договорија да испратат свои моќни борбени тенкови, а британски „Телеграф“ пишува дека по тие донации Киев би можел да стане „вистинска ударна тупаница на демократијата“.
Велика Британија беше првиот сојузник што и вети на Украина тенкови „Челинџер“, додека Берлин одобри и трети земји – како што е Полска – да снабдуваат со нејзините „леопарди“. Според Киев, десетици нации се подготвени да донираат 100 од тие тенкови со одобрение на германската влада.
Во меѓувреме, САД сепак решија да го испратат својот „Абрамс“ во Украина, што, како што пишува „Телеграф“, е голема ескалација на нивниот ангажман, додека традиционално неутралната Швајцарија се чини дека е на пат да им дозволи на другите земји повторно да го извезат своето оружје во Киев, вклучително и „пирански“ тенкови“ и противвоздушни пушки. „Дејли мејл“ наведува дека и Франција „работи на идејата“ да ги испрати своите тенкови Леклер во Киев.
Велика Британија претходно овој месец објави дека ќе испрати 14 тенкови Челинџер 2 и друго тешко оружје во Украина.
Овие борбени тенкови се дизајнирани да напаѓаат други тенкови и се во служба со британската армија од 1994 година. „Челинџер 2“ беше распореден во Босна и Херцеговина, Косово и Ирак.