Стотици маринци чекаат да бидат распоредени во областа Сил Бич, околу 50 километри јужно од Лос Анџелес, потврди американски функционер за Ројтерс.
Американскиот претседател Доналд Трамп мобилизираше 700 маринци стационирани во Калифорнија, откако веќе ја распореди Националната гарда во Лос Анџелес пред три дена.
Според американските власти, 2.100 членови на Националната гарда денес биле во областа на Лос Анџелес, повеќе од половина од планираните 4.000.
Маринците и членовите на Националната гарда немаат овластување да вршат апсења и се одговорни единствено за заштита на федералниот имот и персонал.