Повеќе од 120 лица настрадаа во поплавите по обилните монсунски дождови на североисток во Индија.
Метеоролозите предупредуваат дека обилните дождови ќе продолжат и следните 24 часа.
Најпогодена е државата Асам во која од коритото се изли реката Брамапутра.
„Досега настрадаа повеќе од 120 лица, 55 од нив се удавија, обидувајќи се да побегнат од поплавите, а 16 остана затрупани од одронувањето на почвата“, стои во соопштението од локалните власти.
Домовите мораа да ги напуштат околу 8 милиони жители.Тие се упатиле кон повиоките реони.
Уништени се и илјадници куќи, патишта а под вода се и обработливи површини.