Администрацијата на американскиот претседател Барак Обама одреди помош од 100 милиони долари за Сирија, но таа ќе биде од хуманитарен карактер, а не за вооружување на бунтовниците.
Одлуката ќе биде соопштена утре во Рим од страна на државниот секретар Џон Кери.
Средствата се предвидени за помош на 1,4 милиони сириски бегалци, како и за илјадниците цивили кои и понатаму се во Сирија.
САД од почетокот на судирот во Сирија пред две години донирале 510 милиони долари помош.
Вашингтон е резервиран кон идејата да им помогне на сириската опозиција со оружје поради големото влијание на Ал Каеда врз бунтовниците.