Амбасадорот на Иран во Обединетите нации, Амир Саид Иравани, изјави дека најмалку 1.332 ирански цивили се убиени, а илјадници се повредени во војната што ја водат САД и Израел против Иран.
Саид Иравани им рече на новинарите во седиштето на Обединетите нации во Њујорк дека САД и Израел „покажаа дека не препознаваат никаква црвена линија во извршувањето на своите злосторства“, објавува Гардијан.
Според него, двете земји напаѓаат густо населени цивилни области и инфраструктура, вклучувајќи училишта, здравствени, рекреативни и спортски објекти.
„Ваквите дејствија претставуваат јасни воени злосторства и злосторства против човештвото“, рече Иравани.
