По речиси два месеца од поплавите, јавното претпријатие „Стипион 2011“ од Штип конечно успеа да го исчисти запушениот канал меѓу населбите Сењак и Дузлак.
Поради запушениот канал меѓу овие населби, по поплавите се создаде езеро од атмосферските води, меѓу штипјани познато како „Дузлачко езеро“.
По апелот од страна на граѓаните, ЈП „ Стипион 2011“ – Штип, заедно со вработените од територијалната противпожарна единица, излезе на терен за да го санира овој проблем.
Со механизација што беше позајмена од ЈП „Хидроводовод“, екипите на ЈП „Стипион 2011“ и противпожарната единица денес успеаја да го отпуштат каналот, а насобраната водата да ја испуштат кон реката Брегалница.
На ЈП „Стипион 2011“ му остана уште да ги санираат оштетувањата на патот, кои настанаа во текот на работата, и да се изготви проект со кој овој проблем во целост ќе биде решен.