Интернет порталот „Курир“ денеска објави вест дека е започната изградба на џамија во скопско Лисиче.
Насловот истовремено алармира и шири страв на база на верска и етничка припадност, што е основната карактеристика по која можат да се препознаат лажните вести.
Лажната вест набрзо беше споделена и на други портали.
Општина Аеродром веќе објави соопштение со кое ја демантираше лажната вест на „Курир“.
„Не само што не се гради џамија или некој друг верски објект туку нема ни предвидено изградба на нови верски објекти во деталните урбанистички планови за целата територија на Општина Аеродром. Исто така, инспекциските служби на Општина Аеродром се константно на терен и спречуваат диви градби на нејзина територија“, велат од Општина Аеродром.