Голем пожар на земјоделски површини во близина на Струмица
Локалните медиуми доцна попладнево јавуваат за голем пожар кај Струмица во реонот меѓу Софилари, Градски гробишта, Баница.
Видео: Радио СтрумицаНет
Градоначалникот на Струмица – Костадин Костадинов со реакцијата на социјалните мрежи ја потврди оваа информација и соопшти дека сите капацитети на ТППЕ Струмица се на терен.
Видео: Strumica Denes
„Овие луѓе до последна капка крв и пот даваат се од себе, да одговорат на над 10 свесно запалени земјоделски површини во еден ден. Во денови на жалост, жалиме сите и пожарникарите и инспекторите и сите ние како граѓани, зарем е ова човечки, што уште треба да дадат овие наши пожарникари и инспектори?“ – напиша Костадинов.
Тој апелираше инспекторатот за земјоделство да соработува и да излезе веднаш на терен.