Американскиот кошаркар Џеред Двејн Шо се соочува со смртна казна. Тој е уапсен во Индонезија под сомнение дека се обидел да шверцува дрога, соопшти полицијата на оваа островска држава.
Сега му се заканува доживотна или смртна казна.
Шо игра за Тангеранг Хокс во локалната лига од 2022 година.
Тој беше приведен на 7 мај во неговиот стан во близина на главниот град Џакарта.
При претресот кај Американецот полицијата пронашла 132 бонбони со канабис, открил Роналд Сипајунг, шеф на полицијата на аеродромот Сукарно-Хата.
Апсењето се случило откако царината на аеродромот забележа сомнителен поштенски пакет кој пристигна од Тајланд и бил наменет за Шо.
Atlet basket asal Amerika Serikat (AS) Jarred Dwayne Shaw (34) menyelundupkan narkoba mengandung ganja yang dikemas menyerupai permen.
Untuk mengelabui petugas Bea Cukai, Jarred memilih sendiri kemasan narkotika itu seolah seperti kemasan vitamin.
~J #Narkoba #Basket #Atlet… pic.twitter.com/OupyOLyqkG
— Kompas.com (@kompascom) May 15, 2025
Кога станува збор за Тајланд, од 2024 година нема казна за поседување канабис, но затоа законите во Индонезија се многу поригорозни
Според информациите, американскиот кошаркар планирал да ги подели бонбоните со соиграчите, а во пакувањето биле пронајдени вкупно 869 грама од недозволената супстанца.
Неговиот клуб Тангеранг Хокс го осуди неговото однесување, а договорот му беше раскинат, а му беше изречена доживотна забрана за настап во Индонезија.
– Индонезиската кошаркарска лига му забрани на Шо да игра доживотно. Не толерираме играчи, официјални лица или некој во спортот кој е поврзан со дрога. Нема место за наркотици во светот на кошарката – изјави претседателот на лигата, Будисатрио Гивандоно.