Даниел Кајмакоски со победа на Скопскиот фестивал обезбеди билет за Виена во натпреварувањето за Евросонг со песната „Лисја есенски“.
До победата стигна по објавувањето на гласовите на македонската публика.
Според гласањето на жирито од седум држави најмногу бодови имаше Тамара Тодевска, која ја зазеде втората позиција во конечниот пласман.
Македонската публика најмногу гласови преку телевотинг му даде на Даниел Кајмакоски, со што му овозможи да ја претставува Македонија на Евросонг, кој се одржува следната година во Виена.