Зимските служби на Општина Карпош интензивно ги расчистуваат од снег и мраз улиците во Жданец, Трнодол и Бардовци.
Возило распрскува сол, со цел да се стопи мразот и да се овозможат побезбедни улици за движење.
Механизацијата ова утро главно работеше на повисоките места, каде што постои поголема опасност за движење на граѓаните и нивните возила.
Во текот на вчерашниот ден, на дел од улиците беше истурена и посебна течност, која го заштитува коловозот од замрзнување-информираат од Општина Карпош.