Зеленски со американските сенатори: „Ако не добиеме помош – ќе ја изгубиме војната“

Од:

Украинскиот претседател Володимир Зеленски разговараше со американски сенатори по средбата со членовите на Сенатот во салата на Стариот Сенат, за време на посетата на Капитол.

Зеленски рече дека имал „одличен дијалог“ со американските сенатори на Капитол Хил.

„Ние сме ви благодарни на вас, новинарите, сенаторите и сите други што ни помогнавте“, рече лидерот на заминување од средбата со пратениците.

Тој изјави дека „разговарале за многу детали“, иако не прецизираше за што конкретно, пренесува CNN.

Водачот на мнозинството во американскиот Сенат, Чак Шумер, изјави за новинарите дека Зеленски ги предупредил за опасностите од необезбедување дополнителни средства за Украина.

„Има една реченица која го сумира сето тоа, а јас ја цитирам дословно. Зеленски ни рече: „Ако не добиеме помош, ќе ја изгубиме војната“. Тоа се негови зборови“, посочи Шумер.

Водачот на малцинството во американскиот Сенат Мич Меконел додаде дека тоа е „добар состанок“.

Како што потсетува американската ТВ мрежа, американскиот претседател Џозеф Бајден ќе го прими Зеленски во Белата куќа.

Бајден очекува Зеленски да го информира за ситуацијата на бојното поле како што се приближува втората есен од војната, изјави за новинарите координаторот на Советот за национална безбедност Џон Кирби.

Би можело да ве интересира

Погодени холандската и австриската амбасада во Киев: Руски напад оштети дипломатски објекти

ВИДЕО: Зеленски откри детали за нападот на Кримскиот мост

ВИДЕО: Украина го повторно го нападна Кримскиот мост, силни експлозии во Киев, погодени два големи моста

ВИДЕО: Украина го погоди Кримскиот мост

Катерина Ѓуровски

(ВИДЕО) Зеленски: Онеспособивме повеќе од 55 отсто од руските капацитети за преработка на нафта

Катерина Ѓуровски

Четири земји одбиваат да ја финансираат Украина, Германија се заканува со блокада на буџетот на ЕУ