На социјалните мрежи е објавена снимката од инцидентот што се случи во понеделникот во Техничкото, технолошкото и земјоделското училиште во Смедерево, Србија. Откако наставникот се обидел да му го одземе телефонот на ученикот, тие се степале на час.
Đak i profesor se rvaju na času u Smederevu pic.twitter.com/ArfhWpnRLc
— Lovac na neke od njih! (@Sabljalo) March 3, 2023
На видеото снимено од ученик, а кое се појави сега, се гледа дека наставникот му го зема мобилниот телефон на ученик од втора година од оваа гимназија и се враќа во клупата. Меѓутоа, ученикот го повлекува и го турка наставникот, со што се предизвика ситуација тинејџерот да падне на маса.
„Борењето“ продолжило и во следните неколку секунди, наставникот бил видно изнервиран од однесувањето на ученикот кој упорно се обидувал да му го грабне телефонот што му го одзел. Откако ученикот успеал да си го врати телефонот, уште еднаш го турнал наставникот кон таблата. Наставникот потоа ја напуштил училницата и часот по математика кој не можел да го заврши.
На снимката се слуша и смеа од одделението по овој инцидент. Судир меѓу наставничката Р.П. а ученикот бил оценет од училиштето како трет степен на насилство, што е таканаречен црвен, највисок степен на насилство.
Според Миладин Виторовиќ, директор на училиштето од Смедерево, овој инцидент се случил во понеделникот на 27 февруари. Тој додаде дека бил информиран дека причина за расправијата е мобилен телефон, а наставникот дал изјава пред надлежните во училиштето, а за ученикот е закажано сослушување.
Заседаваше и Тимот за заштита од дискриминација, насилство, злоупотреба и занемарување, кој треба да ги испита деталите за инцидентот. За се е информиран надлежниот орган на Министерството за образование на Србија.