Струмичанец починал по задушување од пожар предизвикан од греалка

Од:

Струмичанец на возраст од околу 60 години денеска напладне починал во сопствениот дом во пожар предизвикан од греалка.

Веста ја потврдија од СВР Струмица. Оттаму само кратко информираа дека денеска во 12:35 часот на улица „Широк дол“ во Струмица е пријавено дека има починатото лице и дека увидот се уште трае, а повеќе информации полицијата најавува за утре.

Според Митко Димчев, инспектор за пожари во Дирекцијата за заштита и спасување (ДСЗ), најверојатно и од првичните информации станува збор за несреќен случај, односно починатиот струмичанец најверојатно паднал врз вклучена греалка од која добил изгореници што предизвикала чадење во просторијата по што починатиот се задушил.

Од ТППЕ Струмица информираа дека во гаснењето на пожарот во запалена просторија од куќа интервенирале со четворица пожарникари и едно против пожарно возило.

– За жал, при интервенцијата внатре во просторијата, е пронајдено мртво лице чие тело беше зафатено од пламенот, стои во информацијата од струмичките пожарникари.

Смртта на струмичанецот ја констатирал лекар, а покрај полицијата увид извршил и јавен обвинител од ОЈО Струмица.

Би можело да ве интересира

Мицкоски од Берлин: Македонија активно учествува во разговорите за глобалната безбедност и предизвиците во светот

Левица: Македонија единствена европска земја против хуманитарна помош за Палестинците – ДПМНЕ ја влече државата кон талогот на цивилизацијата

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Општина Охрид ги интензивира активностите за затворање на депонијата „Буково“ и воспоставување нов систем за третман на комуналниот отпад

Проф. д-р Жан Митрев на МАСИТ: примената на иновациите во здравството не е нов концепт, туку процес што се развива со децении

Насилникот во Охрид пуштен, таткото на Сара од вчера  во полициска станица-правда мора да има

Предраг Петровиќ