Грција го проширува опсегот на затворени јавни места, каде што е задолжително да се носи заштитна маска за да се спречи ширењето на коронавирусот откако беше евидентирано зголемување на бројот на нови случаи во втората половина на месецот, објави „Ројтерс“.
Пред 10 дена здравствените власти донесоа одлука за задолжителното носење заштитна маска од страна на потрошувачите во супермаркетите. Со проширување на опсегот, носењето на заштитна маска станува задолжително и во јавниот превоз, а мерката ќе стапи на сила од утре.
Со наметнатата строга изолација на почетокот на март, Грција успеа да го задржи ширењето на коронавирусот на 4.227 заразени лица и 202 смртни случаи, пренесе „Ројтерс“.