На социјалната мрежа „Фејсбук“ денеска се појавија нови телефонски разговори објавени од лице потпишано како Ел Чека. Објавувачот тврди дека комуникацијата е помеѓу лидерот на ДУИ, Али Ахмети и поранешниот висок функционер од партија Муса Џафери, а разговараат за Охридскиот рамковниот договор.
Објавувачот вели дека е во комуникација со обвинетите за Диво Насеље и дека во договор со нив се објавуваат овие разговори.
Ова не е прв разговор кој е објавен на социјалните мрежи, во текот на оваа и изминатата недела исто така беа објавени разговори за кои јавноста не беше запознаена.
МВР вчера информираше дека го лоцирале објавувачот и дека го известиле јавното обвинителство.
Виктор Јованов