Движењето „За Наша Македонија“ (ЗНАМ) на вечерашниот Конгрес ќе им предложи на членовите кандидат за претседател на државата да биде лидерот на движењето и градоначалник на Куманово, Максим Димитриевски.
Според портпаролот на ЗНАМ, Никола Мемов, на Македонија ѝ треба татко на нацијата, чувар на идентитетот и заштитник на историјата.
-На Македонија ѝ треба надеж, стабилност, сигурност, правда и иднина. Претседател кој ќе го даде максимумот за земјата. За првпат граѓаните ќе имаат можност да го дадат својот глас за одредена опција, а не како досега да гласаат против, рече Мемов на прес-конференција.
Од утре ќе почнат да собираат потписи за кандидатурата на Димитриевски кој е седмиот кандидат за претседател на изборите кои ќе се одржат на 24 април.