Женската ракометна екипа на Металург со два пораза ги заврши настапите во Купот на победниците на куповите. Попладнево во реваншот од 2. коло данската екипа Одензе славеше победа со 30:17 (17:8) и со вкупни 60:41 обезбеди пласман во следната рунда каде за противник ќе ја има француската екипа Дижон.
На денешниот натпревар најефикасна беше Надија Офендал од Одензе со 7 голови, додека кај ЖРК Металург Душица Георгиевска постигна 4. Поради повреда и на овој натпревар како и на првиот во редовите на тимот од Автокоманда не се појави Мирјета Бајрамовска.
Од македонските екипи вечерва настап ќе имаат и ракометарите на Зомимак од Струмица. Тие во рамките на 2.коло го играат првиот натпревар од квалификациите од ЕХФ купот, а гостуваат кај Макаби Тел Авив во Изреал.