Денеска на Генералното собрание на ФИА во Париз Жан Тод беше реизбран за претседател на автомобилската федерација со што започна својот трет последователен мандат.
Тој го наследи Макс Мозли во 2009 година, а денес доби едногласна доверба од Генералното собрание.
– Мило ми е што добив сеопшта поддршка. Тоа е потврда за правилната насока по која се движи ФИА под моето раководство, и го разбирам како охрабрување да ја продолжиме програмата која ја следиме во изминатите осум години, рече Тод.
Новиот мандат на Тод истекува во 2021 година.