Земјотрес со интензитет од 5,9 степени по Рихтер денеска го погоди југозападниот дел на Мексико.
Епицентарот на потресот бил на длабочина од 61 километар, на одалеченост од околу 16 километри од градот Арселија, во сојузната држава Гереро, во западниот дел на земјата.
Земјотресот е почувствуван и во главниот град на Мексико, каде голем број од населението излегле на улиците.
Засега нема податоци за причинета материјална штета.